ታላቅ የጨረታ ማስታወቂያ!

የሐረሪ ሕዝብ ክልላዊ መንግሥት የከተማ ልማትና ኮንስትራክሽን ቢሮ የመሬት ልማትና ማኔጅመንት ባለሥልጣን የከተማ ቦታን በሊዝ ስለመያዝ በሚደነግገው አዋጅ ቁጥር 721/2004 አንቀፅ 8 ንዑስ አንቀፅ 1 በፊደል ተራ ሀ እስከ ሠ በተዘረዘረው መሰረት በሐረሪ ክልል በስምንት ምርጥ አካባቢዎች የሚገኙ ቦታዎችን በግልፅ የሊዝ ጨረታ አወዳድሮ ማስተላለፍ ይፈልጋል።

ለእነዚህ ለንግድ እና ለመኖሪያ አገልግሎቶች የተዘጋጁ ቦታዎች የሚገኙባቸው አካባቢዎች፦
ኢንዱስትሪ ዞን አካባቢ፣
ኪም ካፌ አካባቢ፣
ደከር ኬሌ አካባቢ፣
ኤስ ኦ ኤስ አካባቢ፣
ኦሜድላ አካባቢ፣
ጌስት ሀውስ አካባቢ፣
ሪፍት ቫሊ አካባቢ፣
እና ቀላደንባ አካባቢ ናቸው።

የተጨራቾች መመሪያ እና የመወዳደሪያ መስፈርቶች፦

አንድ፤ የሰነድ ሽያጭ፦
በጨረታው ለመሳተፍ የሚፈልግ ማንኛውም ተወዳዳሪ ይህ ማስታወቂያ ከወጣበት ቀን 12/12/2018 ዓ.ም ጀምሮ የቦታውን ዝርዝር መረጃ የያዘውን የጨረታ ሰነድ የማይመለስ ብር 1,500 (አንድ ሺህ አምስት መቶ ብር) በመክፈል በሐረሪ ክልል ከተማ ልማትና ኮንስትራክሽን ቢሮ የግዥና ፋይናንስ ሂደት (3ኛ ፎቅ ቢሮ ቁጥር 32) ዘወትር በሥራ ቀናትና በሥራ ሰዓት መግዛት የሚችሉ መሆኑን እንገልጻለን።

ሁለት፤ የሰነድ ማስገቢያ ጊዜ፦
ተጫራቾች ይህ ማስታወቂያ በአዲስ ዘመን ጋዜጣ ታትሞ ከወጣበት ቀን ጀምሮ ባሉት አስር (10) ተከታታይ የሥራ ቀናት ውስጥ ሰነዱን በመግዛት ለቦታዎች በካሬ ሜትር የሚያቀርቡትን ዋጋ እና የሚከፍሉትን የሊዝ ቅድመ ክፍያ በጨረታ መወዳደሪያ መልስ ማቅረቢያ ሰነድ ላይ በመሙላት በሰም በታሸገ ኤንቨሎፕ በማድረግ ለዚሁ ተብሎ በተዘጋጀው የጨረታ ሳጥን ውስጥ እስከ 25/12/2018 ዓ.ም ከቀኑ 11:00 ሰዓት ድረስ ብቻ ማስገባት ይኖርባቸዋል።

ሦስት፤ የሳጥን መዘጋትና መክፈቻ፦
የጨረታ ሳጥኑ በ25/12/2018 ዓ.ም ከቀኑ 11:00 ሰዓት ተዘግቶ በሁለተኛው ቀን 26/12/2018 ዓ.ም ከጠዋቱ 4:00 ሰዓት ተጫራቾች ወይም ህጋዊ ወኪሎቻቸው በተገኙበት በከተማ ልማትና ኮንስትራክሽን ቢሮ 4ኛ ፎቅ በሚገኘው አዳራሽ የሚከፈት ይሆናል።

አራት፤ የጨረታ ማስከበሪያ ዋስትና (CPO)፦
ተጫራቾች ለሚወዳደሩበት ቦታ የጠቅላላው የቦታ ስፋት በመነሻ ዋጋው ተባዝቶ ከሚገኘው ውጤት አምስት በመቶ (5%) በባንክ በተረጋገጠ የገንዘብ ክፍያ ትዕዛዝ (CPO) ማስያዝ ይኖርባቸዋል።

አምስት፤ የግምገማ ነጥብ አሰጣጥ፦
ተጫራቾች የሚያቀርቡት የሊዝ ዋጋ 70 በመቶ (70%) ነጥብ የሚኖረው ሲሆን፣ የቅድመ ክፍያ መጠን ደግሞ 30 በመቶ (30%) ነጥብ ይኖረዋል። የጨረታው አሸናፊ የሚለየው በሁለቱ ነጥቦች ድምር በሚገኘው ከፍተኛ ውጤት ይሆናል።

ስድስት፤ የቅድመ ክፍያ ወለል፦
ተጫራቾች የሚያቀርቡት የቅድመ ክፍያ መጠን ከአጠቃላይ የሊዝ ዋጋ ለንግድ ከ30% እንዲሁም ለመኖሪያ ከ20% ማነስ የለበትም።

ሰባት፤ የCPO ተመላሽ፦
የተጫራቾች አሸናፊ ተለይቶ በማስታወቂያ ሰሌዳ ላይ በግልጽ በይፋ ከተገለጸ በኋላ በጨረታው የተሸነፉ ተጫራቾች ያስያዙት የጨረታ ዋስትና ማስከበሪያ (CPO) ተመላሽ ይደረግላቸዋል።

ባለሥልጣን መስሪያ ቤቱ ጨረታውን በከፊልም ሆነ ሙሉ በሙሉ የመሰረዝ መብቱ የተጠበቀ ነው።

የሐረሪ ሕዝብ ክልላዊ መንግሥት የከተማ ልማትና ኮንስትራክሽን ቢሮ የመሬት ልማትና ማኔጅመንት ባለሥልጣን።